دەنساۋلىق ساقتاۋ مينيسترلىگى كوروناۆيرۋستىق ينفەكتسيامەن اۋىرىپ جاتقاندارعا قاتىستى سوڭعى دەرەكتەرمەن ءبولىستى, - دەپ حابارلايدى Egemen.kz.
قازىرگى ۋاقىتتا كوروناۆيرۋستىق ينفەكتسيادان 8 592 ادام ەم قابىلداۋدى جالعاستىرۋدا. ولاردىڭ اراسىندا 38 وسكىنشەك بالا بار. ستاتسيونارلاردا 4 320 ناۋقاس جاتىر. 4 272 ادام امبۋلاتوريالىق جاعدايدا ەمدەلۋدە.
جالپى ناۋقاستاردىڭ اراسىندا 255 ادامنىڭ احۋالى ناشار. سونىڭ ىشىندە 44 ناۋقاستىڭ احۋالى اسا قاتتى اۋىر دەپ باعالانۋدا. 46 ناۋقاس وكپەنى جاساندى جەلدەتۋ اپپاراتىندا جاتىر.
قر دەنساۋلىق ساقتاۋ مينيسترلىگى بۇدان بىلاي تاۋلىكتىك ناتيجەلەر تۋرالى اقپاراتتى كۇن سايىن ۇنەمى ۇزبەي جاريالاپ وتىرادى. بارلىق مالىمەت رەسمي سايتتا جانە ۆەدومستۆونىڭ الەۋمەتتىك جەلىلەردەگى پاراقشالارى ارقىلى تاراتىلادى. اتاپ ايتقاندا, ناۋقاستاردىڭ جالپى سانى جونىندە, قايتىس بولۋ دەرەكتەرى تۋرالى جانە دە قوعام ءۇشىن ماڭىزدى احۋالدىڭ بارلىعى رەسمي اقپارات تاراتۋ كوزدەرىندە جەدەل جاريالانىپ تۇرادى. ال, ايماقتارداعى احۋال تۋرالى اقپاراتتى اپتا سايىن دەنساۋلىق ساقتاۋ مينيسترلىگىنىڭ رەسمي وكىلى ارنايى پرەسس-بريفينگتە حابارلاپ تۇرادى.